Արի ժպտանք մենք արևին, ու նա ժպտա ի պատասխան
Տրվենք անհոգ քամու թևին, թռչենք բարձր ու անվարան...
Իսկ երբ գիշեր դառնա նորից, փարվենք իրար մեր ջերմությամբ,
Քաղենք սիրո լույս աստղերից ,լցնենք շուրջը ծո~վ բերկրությամբ:

Կազմակերպենք սիրո մե~ծ տոն, դառնանք տանտեր մենք հյուրասեր,
Հրավիրենք բոլոր նրանց, ովքեր ապրում են դեռ անսեր...
Ու բաժանենք, ու տանք նրանց մեր մեծ սիրո ավելցուկը,
Թող նրանք էլ փորձեն լուծել սիրո քաղցր հանելուկը:

Ուրեմն եկ այսօր ևեթ դառնանք սիրո առաքյալներ,
Լինենք վկան այս սուրբ գործի ու տարածենք ջերմ սերը մեր...
Դառնանք սիրո առաքյալներ...

Ն. Ավագյան