Ալոնսոա (լատ.՝ Alonsoa) խլածաղկազգիների ընտանիքին պատկանող ցեղ է, որն ունի մոտ 13 տեսակ,^[1] շատ տեսակներ օգտագործվում են որպես դեկորատիվ բույսեր։

Անվանման ստւգաբանությունը[խմբագրել]

Ցեղի անվանումը ծագել է իսպանացի պաշտոնյա Ալոնսո Զանոնիի պատվին, ով ծառայում էր Բոգոտայում^[2]։

Բուսաբանական նկարագրությունը[խմբագրել]

 

Ալոնսոա հարավային բույսի ընդհանուր տեսքը

Ալոնսոաները բազմամյա բույսեր են։ Ցողունը նեղ է, լայնակի կտրվածքը՝ քառանկյուն, տերևները հանդիպում են հակադիր դասավորվածությմաբ կամ տերևաբույլային տեսքով։

Արեալը[խմբագրել]

Աճում է քարքարոտ ժայռաբեկորների վրա, արևադարձային թփուտներում և Հարավային Ամերիկայի մերձարևադարձային շրջաններում։

Տնտեսական նշանակությունը և կիրառությունը[խմբագրել]

Խաղաղ կլիմայի պայմաններում օգտագործվում են այգիներում, որպես դեկորատիվ բույսեր, բաց գրունտի վրա, որպես միամյա բույսեր, ինչպես նաև պատշգամբային կանաչատարածքներում։

Բույսի աճեցումը[խմբագրել]

Ցան։ Ջերմոցներում աճեցրած ծլերը մայիսի վերջին տնկվում են արևահայաց և լավ փխրեցված հողում։

Խնամք։ Աճի շրջանում առատորեն ջրում են, ամիսը մեկ անգամ հարստացնում են կոմպլեքսային պարարտանյութով, ձմռան քիչ են ջրում։