Ես մի թուղթ եմ, դու` գրիչ ես,
Ես` մրգաման, հյութեղ միրգ ես,
Ես պաստառ եմ, դու ես պատը,
Ես ավազ, դու` անապատը:

Զուլալ ջուր եմ, դու ես կուժը,
Ես կրակն եմ, դու ես ծուխը:
Շեն տուն եմ ես, դու` կտուրը,
Ես թռչուն եմ, դու`փետուրը:

Ես աղոթք եմ, դու ես վանքը,
Ես քո խիղճն եմ, դու` իմ կյանքը:
Ես մարմինն եմ, դու ես հոգին,
Ես մետաղ եմ, քար ես անգին:

Դու արևն ես, ես եմ լույսը,
Դու հավատն ես, ես եմ հույսը:
Դու ճրագն ես, ես եմ մոմը,
Դու իմ սերն ես, իսկ ես` քոնը:
Ն. Ավագյան