Արտաքին հատկանիշներ[խմբագրել]

Մարմնի երկարությունը՝ մինչև 103-130 սմ, պոչինը՝ 90-105 սմ, քաշը՝ 45-55, էգերինը՝ 25-45 կգ։ Էգերն ավելի փոքր են։ Մարմինը ձգված է, մկանոտ, ոտքերը համեմատաբար կարճ են։ Մեջքը սպիտակ է, համաչափ ցրված վարդանախշաձև մրեժ բծերով։ Ականջները կարճ են ու կլորավուն։

Ապրում է լեռներում, սարերում։ Ունի սուր տեսողություն, լավ լսողություն, թույլ հոտառություն։

Բազմացումը[խմբագրել]

Ունենում է 2-3 (երբեմն՝ 5-6) ձագ, որոնք առաջին 6 շաբաթը սնվում են կաթով։ Ձագերը 5 ամսականում կարող են որսալ մանր կենդանիներ, 1–1,5 տարեկանում՝ ապրել ինքնուրույն։ Ազատ պայմաններում ապրում է առավելագույնը 13, իսկ անազատ պայմաններում առավելագույնը 21-28 տարի։

Սննդառությունը[խմբագրել]

Ձյունինձերը սնվում են այծյամներով, վիթերով, նապաստակներով, մկնանման կրծողներով և քարայծերով։

Տարածվածությունը[խմբագրել]

Տարածված է Անդրկովկասում, Կովկասում,Ուզբեկստանում, Աֆղանստանում, Նեպալում, Թուրքմենստանում, Հնդկաստանում, Մոնղոլյայում,Ղրղրստանում, Բութանում, Ղազախստանում, Ալթայում և Չինաստանում

Գրանցված է Բնության պահպանության միջազգային միության և ՀՀ Կարմիր գրքերում։