Արջաթիթեռներ (լատ.՝ Arctiidae), թեփուկաթևավորների կարգի ընտանիք։ Հայտնի է 1000, Հայաստանում՝ 44 տեսակ։ Ունեն շատ վառ և խայտաբղետ գունավորում, աչքի են ընկնում արջաթիթեռ Հերա, խավարային արջաթիթեռ, գորշ արջաթիթեռ, կարմրակետիկ արջաթիթեռ և այլ տեսակներ։

Արտաքին կառուցվածք[խմբագրել]

Թևերի բացվածքը 30-80 մմ է. հանգստի վիճկում ծալում են տանիքաձև։ Մսալի թրթուրները ծածկված են բազմաթիվ մազիկներով (այստեղից՝ անվանումը)։ Շատերի կնճիթը հետզարգացած է։

Սննդառություն[խմբագրել]

Բազմակեր են, սնվում են հիմնականում խոտաբույսերի տերևներով։

Բազմացում և զարգացում[խմբագրել]

Հարսնյակավորվում է մետաքսե բոժոժում, հողում, հողի վրա, չորացած տերևների տակ։ Ձմեռում է հիմնականում թրթուրը, հազվադեպ՝ հարսնյակը կամ ձուն։

Տնտեսական նշանակություն[խմբագրել]

Հյուսային Ամերիկայից ներմուծված ամերիկյան սպիտակ թիթեռը (Hyphantria cunea) մեծ վնաս է հասցնում նախալեռնակին շրջաններին։ Սակայն մեծ մասամբ արջաթիթեռներ իրենց գեղեցկությամբ զարդարում են դաշտերը, մարգագետինները, անտառները և մարդկանց գեղագիտական հաճույք պատճառում։