Ապոլլոն (լատ.՝ Parnassius apollo), առագաստավորների ընտանիքի թիթեռ։ Հայաստանում հանդիպում է Սյունիքի և Կոտայքի մարզերում։ Բավական խոշոր և գեղեցիկ թիթեռ է։

Արտաքին կառուցվածք[խմբագրել]

Թևերի բացվածքը 70-90 մմ է։ Թևերն սպիտակ են, արտաքին եզրը՝ թեփուկազուրկ և ապակենման թափանցիկ։ Արտաքին թևերի վրա կան տարբեր մեծության 5 սև պտեր, հետին թևերի վրա՝ 2 խոշոր կարմիր պտեր՝ սև օղակով և սպիտակ միջուկներով, թևերի անկյունային մասում՝ Նույն տիպի աչքանման պտեր՝ ավելի փոքր և միմյանց կպած։ Թրթուրը սև է՝ մեջքային ավելի մուգ երկայնական գծով, շևչանցքերը՝ դեղին։

• 

  ♀

•  
• 

  ♀△

•  
• 

  ♂

•  
• 

  ♂ △

Սննդառություն[խմբագրել]

Սնվում է թանթռնիկի տերևներով։

Բազմացում և զարգացում[խմբագրել]

Ձմեռում է թրթուրը։ Տարեկան տալիս է 1 սերունդ։ Թիթեռի թռիչքը հունիս-օգոստոսին է։ Բնակվում է ասեղնատերևների թավուտներում, անտառեզրերին, քարքարոտ լեռnալանջերին։ Նվազող տեսակ է, ունի 2- րդ կարգավիճակ